Grunnur til þess að skapa

​

Framkvæmd :

Nemendur hanna útskorinn kassa í þessu verkefni, kassinn er fyrst teiknaður upp og síðan er hann búinn til í þrívídd. Nemendur byrja á því að teikna kassann í hlutfallinu 1:1 frá öllum hliðum og ákveða hvar eigi að skera úr honum. Þegar búið er að hanna kassann og teikningar tilbúnar býr nemandinn til módel af kassanum. Kassinn verður einnig í hlutföllunum 1:1 og fer nemandinn eftir teikningunum þegar kassinn er byggður. Nemendur þjálfa sköpunarkraftinn í þessu verkefni, þar sem útkoman er óljós þegar haldið er af stað og hvað sem er getur komið í ljós. Nemendur efla myndrænt og rýmislegt læsi og eru minntir á sjálfbærni með efnisnotkun. Nemendur auka færni í að tjá sig um eigin listsköpun.

 

Áætlaður tími : 6 kennslustundir

 

1. tími:  Verkefnið kynnt, kynning á áhrifaþáttum arkitektúrs og hvernig verkefnið skal vera unnið. Hugmyndavinna hefst.

2. tími:  Hugmyndavinna heldur áfram og nemendur hanna sinn kassa.

3. tími:  Hönnun og teikning.

4. tími:  Módelvinna.

5. tími:  Módelvinna.

6. tími:  Vinna klárast, ​í lokin er yfirferð þar sem teikningar og módel eru skoðuð og nemendur segja frá sinni sköpun.

​

Bjargir : Karton, pappír, afgangs pappír, pappi, lím,  límbyssa,  skæri, skurðarhnífar, blýantar,

 

Lærdómsviðmið :  þekking - leikni - hæfni  

​

Að nemendur:

 

• Þekki mismunandi eiginleika forma í tvívídd og þrívídd.

• Geti unnið á sjálfstæðan hátt og sýni frumkvæði.

• Öðlist hæfni í rýmislæsi og skapandi hugsun.

• Geti tekið þátt í umræðum um viðfangsefnið.

• Öðlist hæfni í að tjá skoðanir sínar.

• Öðlist hæfni í að tjá sig um eigin listsköpun.

• Öðlist hæfni í að tjá tilfinningar og upplifanir í gegnum list.

​